ഇനിയും കണ്ടുമുട്ടാത്ത എൻ്റെ പ്രാന്തന് ,
ചന്നം പിന്നം ചാറി തുടങ്ങി പിന്നീട് നിലയ്ക്കാത്ത പേമാരിയായി നീ എന്നിലേക്ക് പെയ്തിറങ്ങുമ്പോൾ അറിയുകയായിരുന്നു ഇരുണ്ട ഭൂതകാലത്തിനുമപ്പുറം ശുഭപ്രതീക്ഷകളുടെ നാളെയിലേക്ക് , നിലയ്ക്കാത്ത കരഘോഷങ്ങളുടെ നടുവിലേക്ക് നിന്റെ കൈയും പിടിച്ചൊരു തിരിച്ചു വരവ്...ആഘോഷിക്കുകയായിരുന്നു.... കാതിൽ ഇക്കിളികൂട്ടി എന്റെ മുടിയിഴകളെ തൊട്ടു തലോടി കടന്നുപോയ കുഞ്ഞിളം കാറ്റിനും പറയാൻ ഒരുപിടി പരിഭവങ്ങൾ മാത്രമേ ഉണ്ടായിരുന്നുള്ളു...നമ്മൾ ഒന്നിച്ചു പങ്കുവെച്ച നമ്മുടെ നിമിഷങ്ങളിൽ എന്നെ കുളിർപ്പിച്ചു നിന്നോട് ചേർത്ത് കിടത്തിയ ആ തുലാവർഷ രാവുകളിൽ അടച്ചിട്ട ജനൽ പാളികളിൽ തലതല്ലി പരിഭവം പറഞ്ഞു പോയതിനെപ്പറ്റി .വെയിൽ ചേക്കേറുന്ന വാകമരച്ചില്ലകളിൽ ചുവന്നു പൂത്തതൊക്കെയും ഞാൻ നിനക്കായി നൽകിയ എന്റെ പ്രണയ പുഷ്പങ്ങളായിരുന്നു ...തോളോട് തോൾ ചേർന്ന് , കൈകോർത്തു പിടിച്ചു നടന്നു കൈക്കുമ്പിളിൽ ആക്കിയതൊക്കെയും , എന്റെ പ്രണയമേ ! തുടികൊട്ടി പെയ്ത ആ തുലാവർഷ രാത്രികളിൽ നിന്റെ നെഞ്ചോട് ചേർന്ന് കിടന്നു നെയ്ത നമ്മുടെ സ്വപ്നങ്ങളായിരുന്നു ..മോഹങ്ങളായിരുന്നു... പ്രതീക്ഷകളായിരുന്നു ..അഴിഞ്ഞുലഞ്ഞൊരെൻ മുടിയിഴകളെയും , വിയർപ്പിൽ കുതിർന്നു നെറ്റിത്തടത്തിലേക്ക് പടർന്ന എന്റെ കവിളിണകളെ ചുവപ്പിച്ച സിന്ദൂരവും ..പിന്നെ ആരും കാണാതെ നീ എന്റെ നഗ്നമാം അണിവയറ്റിൽ ഒളിപ്പിച്ച ചുടു ചുംബനങ്ങളുടെ ചൂടും, പിന്നെ നിന്നുടൽ ചൂരും മാത്രം മതിയെനിക്ക് ഈ ജന്മം മുഴുവൻ നിന്റേതാവാൻ....നിന്നിലേക്ക് മാത്രം ഒഴുകി, ഒടുവിലായി പെയ്യുന്ന പേമാരിയും ഏറ്റുവാങ്ങി മരിച്ചു മരവിച്ചൊരെൻ ഗർഭപാത്രത്തിന്റെ ഊഷര ഭൂമിയിൽ നാളെയുടെ പുൽനാമ്പുകൾ തളിർക്കട്ടെ ..കൊടും വേനലിൽ തളർന്നു പോകാതിരിക്കാൻ നിയാം തണലെനിക്ക് വേണം ...നീ എന്നിൽ പടർത്തിയ മുല്ലവള്ളി തളിർത്തു പൂവിടട്ടെ ,,നിന്റെ മൃദു ചുംബനത്തിനായി കൊതിച്ചവൾ വരാനിരിക്കുന്ന തുലാവർഷ രാത്രികളിൽ പൂത്തു നിൽക്കട്ടെ !!നമുക്കിടയിൽ ഇണചേരുന്ന മൗനം അവളുടെ കാതുകളിൽ കൊഴിഞ്ഞ ദിനരാത്രങ്ങളുടെ ആലസ്യത്തിന്റെ കഥപറയട്ടെ !!
ആരാധിക
ചന്നം പിന്നം ചാറി തുടങ്ങി പിന്നീട് നിലയ്ക്കാത്ത പേമാരിയായി നീ എന്നിലേക്ക് പെയ്തിറങ്ങുമ്പോൾ അറിയുകയായിരുന്നു ഇരുണ്ട ഭൂതകാലത്തിനുമപ്പുറം ശുഭപ്രതീക്ഷകളുടെ നാളെയിലേക്ക് , നിലയ്ക്കാത്ത കരഘോഷങ്ങളുടെ നടുവിലേക്ക് നിന്റെ കൈയും പിടിച്ചൊരു തിരിച്ചു വരവ്...ആഘോഷിക്കുകയായിരുന്നു.... കാതിൽ ഇക്കിളികൂട്ടി എന്റെ മുടിയിഴകളെ തൊട്ടു തലോടി കടന്നുപോയ കുഞ്ഞിളം കാറ്റിനും പറയാൻ ഒരുപിടി പരിഭവങ്ങൾ മാത്രമേ ഉണ്ടായിരുന്നുള്ളു...നമ്മൾ ഒന്നിച്ചു പങ്കുവെച്ച നമ്മുടെ നിമിഷങ്ങളിൽ എന്നെ കുളിർപ്പിച്ചു നിന്നോട് ചേർത്ത് കിടത്തിയ ആ തുലാവർഷ രാവുകളിൽ അടച്ചിട്ട ജനൽ പാളികളിൽ തലതല്ലി പരിഭവം പറഞ്ഞു പോയതിനെപ്പറ്റി .വെയിൽ ചേക്കേറുന്ന വാകമരച്ചില്ലകളിൽ ചുവന്നു പൂത്തതൊക്കെയും ഞാൻ നിനക്കായി നൽകിയ എന്റെ പ്രണയ പുഷ്പങ്ങളായിരുന്നു ...തോളോട് തോൾ ചേർന്ന് , കൈകോർത്തു പിടിച്ചു നടന്നു കൈക്കുമ്പിളിൽ ആക്കിയതൊക്കെയും , എന്റെ പ്രണയമേ ! തുടികൊട്ടി പെയ്ത ആ തുലാവർഷ രാത്രികളിൽ നിന്റെ നെഞ്ചോട് ചേർന്ന് കിടന്നു നെയ്ത നമ്മുടെ സ്വപ്നങ്ങളായിരുന്നു ..മോഹങ്ങളായിരുന്നു... പ്രതീക്ഷകളായിരുന്നു ..അഴിഞ്ഞുലഞ്ഞൊരെൻ മുടിയിഴകളെയും , വിയർപ്പിൽ കുതിർന്നു നെറ്റിത്തടത്തിലേക്ക് പടർന്ന എന്റെ കവിളിണകളെ ചുവപ്പിച്ച സിന്ദൂരവും ..പിന്നെ ആരും കാണാതെ നീ എന്റെ നഗ്നമാം അണിവയറ്റിൽ ഒളിപ്പിച്ച ചുടു ചുംബനങ്ങളുടെ ചൂടും, പിന്നെ നിന്നുടൽ ചൂരും മാത്രം മതിയെനിക്ക് ഈ ജന്മം മുഴുവൻ നിന്റേതാവാൻ....നിന്നിലേക്ക് മാത്രം ഒഴുകി, ഒടുവിലായി പെയ്യുന്ന പേമാരിയും ഏറ്റുവാങ്ങി മരിച്ചു മരവിച്ചൊരെൻ ഗർഭപാത്രത്തിന്റെ ഊഷര ഭൂമിയിൽ നാളെയുടെ പുൽനാമ്പുകൾ തളിർക്കട്ടെ ..കൊടും വേനലിൽ തളർന്നു പോകാതിരിക്കാൻ നിയാം തണലെനിക്ക് വേണം ...നീ എന്നിൽ പടർത്തിയ മുല്ലവള്ളി തളിർത്തു പൂവിടട്ടെ ,,നിന്റെ മൃദു ചുംബനത്തിനായി കൊതിച്ചവൾ വരാനിരിക്കുന്ന തുലാവർഷ രാത്രികളിൽ പൂത്തു നിൽക്കട്ടെ !!നമുക്കിടയിൽ ഇണചേരുന്ന മൗനം അവളുടെ കാതുകളിൽ കൊഴിഞ്ഞ ദിനരാത്രങ്ങളുടെ ആലസ്യത്തിന്റെ കഥപറയട്ടെ !!
ആരാധിക