தினமும் ஒரு குறள்

[Aishuu♥️❤️]

அதிகாரம் 8

குறள் 72: அன்பிலார் எல்லாம் தமக்குரியர் அன்புடையார் என்பும் உரியர் பிறர்க்கு

விளக்க உரை: அன்பு இல்லாதவர் எல்லாப்பொருள்களையும் தமக்கே உரிமையாகக் கொண்டு வாழ்வார்: அன்பு உடையவர் தம் உடமையும் பிறர்க்கு உரிமையாக்கி வாழ்வர்

Anpilaar Ellaam Thamakkuriyar Anputaiyaar
Enpum Uriyar Pirarkku

The unloving belong only to themselves, But the loving belong to others to their very bones.

 

[Mr. Romeo]

அதிகாரம் 8
அன்புடைமை
குறள் 73:

அன்போ டியைந்த வழக்கென்ப ஆருயிர்க்கு என்போ டியைந்த தொடர்பு


விளக்க உரை: அருமையான உயிர்க்கு உடம்போடு பொருந்தி இருக்கின்ற உறவு, அன்போடு பொருந்தி வாழும் வாழ்க்கையின் பயன்என்று கூறுவர்.

 

[Mr. Romeo]

அதிகாரம் 8
அன்புடைமை
குறள் 74:


அன்பீனும் ஆர்வம் உடைமை அதுஈனும் நண்பென்னும் நாடாச் சிறப்பு


அன்பு பிறரிடம் விருப்பம் உடையவராக வாழும் தன்மையைத் தரும்: அஃது எல்லாரிடத்தும் நட்பு என்று சொல்லப்படும் அளவற்ற சிறப்பைத் தரும்

 

[Mr. Romeo]

அதிகாரம் 8

அன்புடைமை
குறள் 75:

அன்புற் றமர்ந்த வழக்கென்ப வையகத்து இன்புற்றார் எய்தும் சிறப்பு


விளக்க உரை: உலகத்தில் இன்பம் உற்று வாழ்கின்றவர் அடையும் சிறப்பு, அன்பு உடையவராகிப் பொருந்தி வாழும் வாழ்கையின் பயன் என்று கூறுவர்.

 

[marcello]

தெய்வப்புலவர் திருவள்ளுவர் அருளிய திருக்குறள் பற்றி தெரிந்து கொள்வோம். திருக்குறளில் எப்படி வாழ்வது, நடந்து கொள்வது, வாழ்க்கையை நடத்துவது, எப்படி நேசிப்பது, சக மனிதர்களை எப்படி நடத்துவது மற்றும் பலவற்றில் தொடங்கி எல்லாமே உள்ளன.

#1

அதிகாரம் 8
அன்புடைமை குறள் 71:

அன்பிற்கும் உண்டோ அடைக்குந்தாழ் ஆர்வலர் புண்கணீர் பூசல் தரும்

விளக்க உரை: அன்புக்கும் அடைத்து வைக்கும் தாழ் உண்டோ? அன்புடையவரின் சிறு கண்ணீரே ( உள்ளே இருக்கும் அன்பைப் ) பலரும் அறிய வெளிப்படுத்திவிடும்

 

[Mr. Romeo]

அதிகாரம் 8

அன்புடைமை
குறள் 76:


அறத்திற்கே அன்புசார் பென்ப அறியார் மறத்திற்கும் அஃதே துணை


விளக்க உரை: அறியாதவர், அறத்திற்கு மட்டுமே அன்பு துணையாகும் என்று கூறுவர்:ஆராய்ந்து பார்த்தால் வீரத்திற்க்கும் அதுவே துணையாக நிற்கின்றது

 

[Mr. Romeo]

அதிகாரம் 8

அன்புடைமை
குறள் 77:


என்பி லதனை வெயில்போலக் காயுமே அன்பி லதனை அறம்


விளக்க உரை: எலும்பு இல்லாத உடம்போடு வாழும் புழுவை வெயில் காய்ந்து வருத்துவது போல் அன்பு இல்லாத உயிரை அறம் வருத்தும்.

 

[Mr. Romeo]

அதிகாரம் 8

அன்புடைமை
குறள் 78:


அன்பகத் தில்லா உயிர்வாழ்க்கை வன்பாற்கண்
வற்றல் மரந்தளிர்த் தற்று


விளக்க உரை: அகத்தில் அன்பு இல்லாமல் வாழும் உயிர் வாழக்கை வளமற்ற பாலைநிலத்தில் பட்டமரம் தளிர்த்தாற் போன்றது.

 

[Mr. Romeo]

அதிகாரம் 8

அன்புடைமை
குறள் 79:


புறத்துறுப் பெல்லாம் எவன்செய்யும் யாக்கை அகத்துறுப் பன்பி லவர்க்கு


விளக்க உரை: உடம்பின் அகத்து உறுப்பாகிய அன்பு இல்லாதவர்க்கு உடம்பின் புறத்து உறுப்புக்கள் எல்லாம் என்ன பயன் செய்யும்.

 

[Mr. Romeo]

குறள் 80:

அன்பின் வழிய துயிர்நிலை அஃதிலார்க்கு என்புதோல் போர்த்த உடம்பு


விளக்க உரை: அன்பின் வழியில் இயங்கும் உடம்பே உயிர்நின்ற உடம்பாகும்: அன்பு இல்லாதவர்க்கு உள்ள உடம்பு எலும்பைத் தோல்போர்த்த வெற்றுடம்பே ஆகும்.