ദിവസങ്ങൾ നീണ്ട സൃഷ്ടി കർമ്മത്തിന്റെ വിരസമായൊരിടവേളയിലത്രേ , ദൈവം സ്ത്രീയെ സൃഷ്ടിച്ചത്...മറ്റുള്ളവയെ സൃഷ്ടിച്ചപ്പോൾ ബാക്കി വന്നതൊക്കെയും അവളിൽ മനോഹരമായി അടുക്കിവെച്ചദ്ദേഹം അവൾക്ക് ജീവൻനൽകി....ഹൃദയത്തിൽ കാരുണ്യവും , കണ്ണുകളിൽ ദയയും, ചുണ്ടിൽ മനോഹരമായ പുഞ്ചിരിയും കൂട്ടിച്ചേർത്തവളെയിത്രമേൽ മനോഹരിയാക്കി ... കൈകളിൽ അന്നപൂർണ്ണേശ്വരിയും , നാവിൽ സരസ്വതിയും , ഉള്ളിൽ ലക്ഷ്‌മിയും നിറഞ്ഞിങ്ങിനെ നിൽക്കുമ്പോൾ ഒരു സ്ത്രീ എങ്ങിനെയാണ് അബലയാകുന്നത് ?ചപലമായ വികാരങ്ങൾ മാറ്റിവെച്ചാൽ അവൾ അബലയല്ല , പ്രബലയാണ്...
സ്ത്രീശാക്തീകരണവും , വിമോചനവുമെല്ലാം ഇന്ന് ഒരുപാട് ചർച്ച ചെയ്യപ്പെടുന്ന വിഷയങ്ങളിൽ ഒന്നാണ്....ആരിൽ നിന്നാണ് സ്ത്രീയ്ക്ക് മോചനം വേണ്ടത് ? സ്വയം നെയ്തുകൂട്ടിയ സ്വപ്നങ്ങളിൽ നിന്നോ ?അതോ സ്വയം സമാധിയാവുന്ന ചിത്രശലഭപ്പുഴുവിനെപോലെ , വർണ്ണാഭമായ ഈ ലോകത്തേക്ക് ചിറകു വിരിച്ചു പറക്കാൻ ശ്രമിക്കുമ്പോൾ വില്ലനാകുന്ന അസ്തിത്വമില്ലാത്ത സ്വന്തം ചിന്തകളിൽ നിന്നോ ?ആരാണ് അവളെ തടയുന്നത് ? അവളുടെ സ്വപ്നങ്ങൾക്ക് കൂച്ചുവിലങ്ങിട്ടുന്നത് ?
'പുരുഷ വർഗ്ഗം ' എന്നൊരുത്തരം നമുക്കെവിടെയും കണ്ടെത്താനാവില്ല, കാരണം , ഞാനടക്കം ഓരോ പെണ്ണിന്റെയും മുഖ്യശത്രു അവൾ തന്നെയാണ്...
സ്വയം പൂർണ്ണയാവുന്നതിനോടൊപ്പം , തന്നിലേക്കണയുന്നവനെ പൂർണ്ണനാക്കുവാനും അവൾക്ക് കഴിയും....ആ അവൾ സ്വന്തം പൂർണ്ണത തേടി , മുദ്രാവാക്യങ്ങളുടെയും വാക്ധോരണികളുടെയും അകമ്പടിയോടെ സമത്വത്തിലേക്കുള്ള അന്വേഷണത്തിലാണ്...
"ഹേ , കസ്തൂരിമാനേ , നിന്റെ നാഭിക്കുള്ളിൽ ഒളിപ്പിച്ച നിധി തേടി നീ അലയും പോലെ.....
അവളും തിരഞ്ഞുകൊണ്ടേയിരിക്കുകയാണ് , അത്രമേലൊന്നായതിനെ രണ്ടായി പകുത്തിഴകീറി സ്വാതന്ത്ര്യ പ്രഖ്യാപനം നടത്താൻ..."
എല്ലാവര്ക്കും വനിതാദിനാശംസകൾ
സ്ത്രീശാക്തീകരണവും , വിമോചനവുമെല്ലാം ഇന്ന് ഒരുപാട് ചർച്ച ചെയ്യപ്പെടുന്ന വിഷയങ്ങളിൽ ഒന്നാണ്....ആരിൽ നിന്നാണ് സ്ത്രീയ്ക്ക് മോചനം വേണ്ടത് ? സ്വയം നെയ്തുകൂട്ടിയ സ്വപ്നങ്ങളിൽ നിന്നോ ?അതോ സ്വയം സമാധിയാവുന്ന ചിത്രശലഭപ്പുഴുവിനെപോലെ , വർണ്ണാഭമായ ഈ ലോകത്തേക്ക് ചിറകു വിരിച്ചു പറക്കാൻ ശ്രമിക്കുമ്പോൾ വില്ലനാകുന്ന അസ്തിത്വമില്ലാത്ത സ്വന്തം ചിന്തകളിൽ നിന്നോ ?ആരാണ് അവളെ തടയുന്നത് ? അവളുടെ സ്വപ്നങ്ങൾക്ക് കൂച്ചുവിലങ്ങിട്ടുന്നത് ?
'പുരുഷ വർഗ്ഗം ' എന്നൊരുത്തരം നമുക്കെവിടെയും കണ്ടെത്താനാവില്ല, കാരണം , ഞാനടക്കം ഓരോ പെണ്ണിന്റെയും മുഖ്യശത്രു അവൾ തന്നെയാണ്...
സ്വയം പൂർണ്ണയാവുന്നതിനോടൊപ്പം , തന്നിലേക്കണയുന്നവനെ പൂർണ്ണനാക്കുവാനും അവൾക്ക് കഴിയും....ആ അവൾ സ്വന്തം പൂർണ്ണത തേടി , മുദ്രാവാക്യങ്ങളുടെയും വാക്ധോരണികളുടെയും അകമ്പടിയോടെ സമത്വത്തിലേക്കുള്ള അന്വേഷണത്തിലാണ്...
"ഹേ , കസ്തൂരിമാനേ , നിന്റെ നാഭിക്കുള്ളിൽ ഒളിപ്പിച്ച നിധി തേടി നീ അലയും പോലെ.....
അവളും തിരഞ്ഞുകൊണ്ടേയിരിക്കുകയാണ് , അത്രമേലൊന്നായതിനെ രണ്ടായി പകുത്തിഴകീറി സ്വാതന്ത്ര്യ പ്രഖ്യാപനം നടത്താൻ..."
എല്ലാവര്ക്കും വനിതാദിനാശംസകൾ
Last edited:
