അകലെയായാലും ഞാൻ നിന്നിലുണ്ട്,
ശ്വാസത്തിനുമുമ്പ്, നിമിഷത്തിനുമുമ്പ്,
നിന്റെ ചുണ്ടിന്റെ കനിവിലൊളിഞ്ഞ്,
വിരലിൽ വിറക്കുന്ന ഒരു നൊമ്പരമായ്...
ചന്ദ്രനെ കബളിപ്പിച്ച വാക്കുകൾ,
കാറ്റിന്റെ കാതിലൊഴുകുമ്പോൾ,
നീ എന്നിലേക്ക് കണ്ണടച്ചാൽ,
ഞാൻ നിന്നെ സ്നേഹിച്ചു മധുരം ചൊരിയും...
അരികിലായ് കണ്ണുകൾ കണ്ടുനിൽക്കും,
അകലുമ്പോഴും നെഞ്ചിൽ ചേർത്ത്,
നിന്റെ പേരിലെ അക്ഷരങ്ങൾ,
നാവിൻ തുമ്പിൽ ഉരുകും നേരം...
വിരൽത്തുമ്പിലെ നീർത്തുള്ളികൾ,
ചുംബനങ്ങൾ പോലെ പതിയുമ്പോൾ,
നക്ഷത്രങ്ങൾ കൈനീട്ടും നിമിഷത്തിൽ,
അകലെയെങ്കിലും... അരികിൽ നാം
