స్త్రీ

[Risikumar Reddy]

స్త్రీ
తానొక ఆద్యంతాలు లేని పదం
కళ్ళు తెరవక మునుపే కన్నుమూస్తుంది

తానొక విష వలయంలో కమలం
రేకువిప్పకుండగనే వాడిపోతుంది

తానొక అందమైన హరివిల్లు
విషమొకటి వొలికి వివర్ణమవుతుంది

తానొక అరవిరిసిన పుష్పం
నెత్తుటిలో తడిసి ముద్దవుతుంది

తానొక స్వచ్చమైన శ్వేత ముత్యం
ముక్తాగార కారాగారంలో బంధీయైపోతుంది

తానొక చీకటి గుహలో దీపం
ఆ దావానలంలో దహించుకుపోతుంది

స్త్రీ తానొక ఒంటరి అక్షరం
సృష్టి మొదలు నేటి వరకూ
తన ఉనికి కోసం తాను వెతుకుతూనే ఉంది
గెలుపెరుగని ఒంటరి పోరాటం సాగిస్తూనే ఉంది