నిద్ర

[Risikumar Reddy]

ప్రతి రాత్రి నిద్రనివ్వదు
ప్రతి నిద్ర గాఢ నిద్ర గా మారదు
ప్రతి గాఢ నిద్ర కలలనివ్వదు
ఆ రోజు రాత్రి కి ,
ఆ రాత్రి కి -- నిద్ర కి మధ్య
ఆ రాత్రి నిద్రకి ,
ఆ నిద్రకి-- గాఢ నిద్ర కి మధ్య

గాఢ నిద్ర కాదది
సొయి తప్పి,
సోమ్మసోల్లినప్పుడు పోయె
గాఢ నిద్ర మాత్రం కానె కాదది......!
కల కాదది
ఎలాగ చూసిన,
ఏ విధంగా పోల్చిన
కల మాత్రం కానె కాదది .......!

బతికుండగానే మరణపు దృశ్యాల్ని
కళ్ళ ముందుంచిన నిద్ర అది................!
చావు తర్వాతి క్షణాల్ని
బతికుండగానే చూపించిన నిద్ర అది......!
శ్వాసిస్తున్నానో లేదో అన్న ధ్యాసనే
సందిగ్ధం లో పడేసిన నిద్ర అది ..............!

నా మదిలోని ఆలోచనలకు తగ్గట్టుగా
నా తనువు ని స్పందించకుండా చెసి
నా మస్తిష్కానికే వణుకు పుట్టించిన నిద్ర అది ..!
నా మెను(దెహం) నుండి
నా అంతరాత్మ ని బయటకి తీసుకొచ్చి
నాతోనే మాట్లాడించిన నిద్ర అది ..............!

చావన్నది నా తనువూకె గాని
నాకు కాదని,
చావు చివరి క్షణాల్ని
నా కళ్ళ ముందు మెదిల్చి
బతకడం కోసం
నేను పడె ఆరాటాన్ని ,నెను చెసే పోరాటాన్ని
నాకే చూపించిన నిద్ర అది ....................!

అది ముమ్మాటికీ మామూలు నిద్ర మాత్రం కాదది.

 

[Deepak Kiran]

నిద్ర
ఎవరయినా పిడికెడు
నిద్రను దానం చేస్తే బాగుండు

కళ్ళను ఎన్నిగంటలు
మూసుకుంటే మాత్రం ఏముంది
మనసురెక్కలు విహంగాలయి
గతం లోకి వర్తమానం లోకి
ఊయలలూగుతూ వుంటే

నిద్ర నేను రాను రానంటూ
దాగుడు మూతలాడుతుంది

శరీరం భూమికి సమాంతరంగా
చాపలా పరుచుకుని
చీకటి ఎంత దోహదం చేసినా
నిద్ర చుట్టూ తిరుగాడుతూ
రానని మారాం చేస్తుంది

దుఖం దాడి చేసినప్పుడల్లా
నిద్ర బలైపోతుంది

ఆలోచనల్ని ఆస్పష్టత ఆవరించినా
నిద్ర నిటారుగా నిలబడి పోతుంది

నిద్ర ఓ గొప్ప టానిక్
సమస్త శరీరాన్ని ఆవహిస్తుంది
నిరాశనీ నిస్సత్తువనీ
ఆవిరి చేస్తుంది

నిద్ర అంటే కాసేపు
కను రెప్పలు మూయడమే కాదు
మనసు రెక్కల్నీ మూయాలి

అందుకే ఎవరయినా
ఓ పిడికెడు నిద్రను
దానం చేస్తే బాగుండు

 

[Deepak Kiran]

No offense to posts