என்னவளுக்காக ...!!

[Rayleigh]

பெரிதாய் ஒன்றும் ஆசையில்லை
உன் கைகள் கோர்க்கும் அந்த
அழகிய தருணத்தைத் தவிர ...

அழகின் பொருள் புரியவில்லை
உன் கண்மை என்னை பாடாய்படுத்தும் வரை...

 

[Rayleigh]

தூக்கத்தை நானும் மறக்கவில்லை
உன் காதல் கனவுகள் என் இரவுகளை இனிமையாய் மாற்றும் வரை ...

சங்கீதங்கள் என் சொந்தங்களாய்
மாறவில்லை நீ பாடி நான் கேக்கும் வரை ...

 

[Rayleigh]

நான் கவிதை எழுதப் பழகவில்லை
உனக்கு கவிதை படிக்க பிடிக்கும் என்று அறியும்வரை ...

நிலவும் கடலும் அழகாய் தெரியவில்லை உன் நினைவலையில் நான் மிதக்கும் வரை ...

 

[Rayleigh]

பரந்த உலகம் என்னுள் அடங்கவில்லை உன்னை
என் உலகாய் நினைக்கும்வரை...

குளிர்ந்த மழை என்னை சூடாய்
மாற்றவில்லை உன் கோவம் உணரும் வரை ...

 

[Rayleigh]

பலபேர் உன்னிடம் சொல்லியிருப்பார்கள்...எனக்கு பிடித்தவாறு உன்னை மாற்றிக்கொள்ள ...

மாறாதே மாற்றம் இல்லா உன்னையே நாட்டம் கொள்ளுதடி என் மனம் ...

 

[Mathii]